O pasado 23 de novembro comezou a súa andaina o Club de Lectura de nais, pais e profesorado, de momento o club está composto de nove persoas. O primeiro libro que lemos foi As rulas de Bakunin, de Antón Riveiro Coello.
O grupo de alumnos e alumnas de 1º de ESO que xa leran o pasado curso Amancio Amigo e o meigo de Salamanca, escolleu como primeiro libro de lectura do seu club a segunda entrega deste personaxe.
Un dos grupos de 1º de ESO leu este libro de Xosé Miranda que conta a historia dun rapaz que vai a Salamanca e alí entra nunha estraña escola de maxia.
No mes de novembro comezamos a actividade dos clubs de lectura deste curso. Na actualidade están a funcionar dous grupos en 1º de ESO, un grupo en 2º de ESO e un grupo en 3º ESO.
Benvidos/as ao blog do Club de Lectura Avelaíña, esperamos compartir moitas lecturas convosco. Se queredes compartir a vosa opinión sobre os libros que imos lendo no Club, deixádenos un comentario. Grazas.