11/29/2010

Un casoiro ben mal amañado


Un casoiro ben mal amañado é a primeira obra de literatura xuvenil publicada por un escritor de orixe hindú nado no Reino Unido;son as orixes de Bali Rai o que lle permitirán ao escritor tratar o tema da inmigración desde unha perspectiva tan orixinal e conmovedora; así a obra preséntanos os problemas de adaptación dun rapaz que xa non se identifica cos preceptos dunha tradición familiar, pois sénteos alleos e por iso precisa desafialos con teima insistindo na súa negativa a formar parte dun casorio (mal) amañado.
A mirada do autor fronte ao tema da emigración resulta novidosa tanto no tratamento formal como no enfoque ideolóxico pois dá pé á reflexión de temas como a intolerancia, a alienación e a inadaptación fronte ás distintas utopías que nos venden os poderes políticos e que falan da posibilidade da tolerancia, o multiculturalismo e a integración racial.
E se queres saber algo máis da vida e da problemática da cultura punxabí, queda aquí o enlace dunha entrevista que lle fixo "El Correo Gallego" cando o escritor veu presentar o seu libro a Galicia.

Ningún comentario: